Detang tugac at culiglig, ylang keca magtumayla,
At mamagus ytang danum, ketang mamatucbang sapa;
Ing bunduc na ning Alaya, babatyu yang misnang saya,
Cabang yca ketang duyan, gagale cang macakera,
Cayagum mo retang Pipit ketang cantores rang siwala ,
At ing angin a manene, king catawan mu mumuma,
Pepepen na itang pali, e ca lisangan bitasa;
Alang asuc a mabuluc, O Smog a macasira,
E ca manakit saken, misusuglulu't masigla
Misnang datun ing paligid, alang mangulung bitasa,
At alang manutus keca, mamipi ca ketang batya,
Anti ya mong paraiso, ing madicut a taldawa.
 |
| Amor de Jesus, Pirate :) |
