Keng pamandayu na, ning sintang casuyu,
Anti neng migpaldas, ing kikiac cung pusu,
Ding balang pinandit, ning bili cung bigu,
Panan cu ing aldu, magbalic ca rugu.
Ngening ala na ca, dili cung malumbe,
Ing lingus ding mata, anting tagulele,
Neng benging tahimic, tudtud paintunan ke,
Caratang ning abac, e na mitiwase.
Lacwan dasan mu cu, king sale candungan,
Buri cung isipan, dit man e mu licwan,
Nu ca man mipadpad, nanu mang cabilian,
Ika, at Ika mu, dili cung palsintan.
Anya mibalic ca king Indu mung Tibwan,
Manaya ya keca, ngeni't capilan man.
