 |
| Ari ning Parnasung Capampangan |
Itang yumu at lasa na,See other versions of poem: v. 1 | v. 2 | v. 4
binasa cung cawatasan,
Macabie yang capasnawan,
kening mainang caisipan,
At agya mang mangupas na,
ing lugud ta at panamdam
Uling menga palaut na,
pamagobra at cabiasnan;
Detang aliwang Salita,
a pilit dang papagaral,
Anti na mu ing Tagalog,
Inglish, Arabu, Castillan,
Deting Sabing pinili da,
Paglibe re king amanung ...
Binie na nitang Miglalang,
caring dai' ng Capampangan.
Ing sabing Capampangan,
e me dapat picarine,
Maski pa ninung carap mu
yan ing salita mung tune,
Nuca mang labuad mipadpad,
e me cacalinguan abe,
Yan ing dapat tang luguran,
ketang lugud a dalise.
Yang licuan da reng pengari,
caring anac a mal dili.
